Yanditswe na: TUYIZERE Mubaraka
23/11/2023 04:53
Rutahizamu Alsèny Camara Agogo ukinira ikipe y'igihugu ya Guinea yageze mu Rwanda aje gucyemura ikibazo cya ba rutahizamu muri Rayon Sports.
Mu ijoro ryacyeye nibwo ikipe ya Rayon Sports ,yatangaje ko rutahizamu ukomoka muri Guinea Conakry,Alsèny Camara Agogo ,yageze mu Rwanda, aje kumvikana niyi kipe yambara ubururu n'umweru , uyu mugabo bivugwa ko afite imyaka 28 ,yakiniye amakipe nka, Kaloum , Horoya AC , ASAC Ndiambour , Secre -Coeur , na Guédiawaye FC , zose ziwabo muri Guinea, uyu kandi muri 2016-2017 yakiniraga ikipe ya Hassania Agadir yo muri Morocco ,nubwo atayitinzemo kuko nta numwaka yamaze yo, uyu musore kandi kuva 2015 yahamagawe inshuro 10 mu ikipe y'igihugu ya Guinea ayitsindira ibitego 2.
Alsèny Camara Agogo ubwo yaseserakaga ku kibuga cy'indege i Kanombe
President wa Rayon Sports, bwana Uwayezu Jean Fidel, aherutse kubwira itangazamakuru ko, hari imyanya bifuza kongeramo abakinnyi, kugirango iyi kipe ikomeze kwitwara neza, biyifashe kugera ku ntego zayo, zo gutwara ibikombe bikinirwa mu Rwanda, by'umwihariko igikombe cya shampiyona , ntagihindutse uyu Camara yabisikana n'abakinnyi nka Mussa Essenu, uzasoza amasezerano muri Mutarama , Youssef Rhab na Eid Mugdam ,byemejwe ko Rayon Sports yabasabye gusesa amasezerano bafitanye .
Rayon Sports ntabwo iheruka guhirwa n'umukinnyi wo muri Africa y'amajyaruguru n'uburengerazuba ,kuko umukinnyi iheruka gukurayo akaba inyenyeri, ni Micheal Sarpong muri 2017, Rayon Sports irasubukura Shampiyona kuri uyu wa Gatandatu ,isura ikipe ya Etincelles kuri stade Umuganda .
