• AFC/M23 yashyizeho uburyo bwo gukurikirana ibikorwa byo kurwanya Ebola

 

Mu rwego rwo guhangana n’ikwirakwira ry’indwara ya Ebola yo mu bwoko bwa Bundibugyo yongeye kwaduka mu burasirazuba bwa Repubulika Iharanira Demokarasi ya Congo (RDC).

ubuyobozi bw’ubuzima mu bice bigenzurwa na AFC-M23 bwatangije urubuga rw’amakuru n’ihuzabikorwa rugenewe abaturage, ruboneka kuri www.ebolariposte.org.

Uru rubuga ruvugururwa buri gihe, rukaba rugaragaza gahunda yo kurwanya Ebola yateguwe na Cellule de Crise Sanitaire (CCS) yashyizweho na AFC-M23. Rukusanya amakuru ajyanye n’imibare y’abanduye, ingamba zirimo gufatwa ndetse n’ubutumwa bwo kwirinda bugenewe abaturage bo mu mijyi ya Goma, Bukavu n’utundi duce tuyikikije.

Imibare iheruka gushyirwa kuri uru rubuga igaragaza ko hari abantu benshi bamaze kwemezwa ko banduye Ebola, mu gihe amagana y’abahuye na bo bakomeje gukurikiranwa n’inzego z’ubuzima.

I Goma, ibikorwa byo kurwanya icyorezo byibanze ku gukaza ubukangurambaga bwo kugenzura abanduye, gukurikirana abahuye na bo no kubitaho mu bigo byihariye byashyiriweho kuvura Ebola.

Muri Bukavu, abayobozi baherutse gusura laboratwari zipima indwara hifashishijwe ikoranabuhanga rya molekyuleri ndetse n’ibigo byita ku barwayi ba Ebola birimo ikigo cya Lwiro, hagamijwe gusuzuma ubushobozi bwabyo mu guhangana n’iki cyorezo.

Uru rubuga rwibanda kandi ku kwigisha abaturage ingamba z’ingenzi zo kwirinda Ebola zirimo:

Gukaraba intoki kenshi hakoreshejwe amazi meza n’isabune;

Guhana intera hagati y’abantu;

Kwirinda kwegera abarwaye cyangwa abapfuye bakekwaho Ebola;

Kumenyesha inzego z’ubuzima vuba igihe hagaragaye umuntu ufite ibimenyetso by’iyi ndwara.

Hanatangajwe nimero zifasha abaturage gutanga amakuru cyangwa gusaba ubufasha zirimo:

Hotline ikora amasaha 24 kuri 24: +243 900 900 500

Umurongo w’ibanga (Ligne verte): 1510

Ku rubuga handitse ubutumwa bugira buti:

“Igikorwa cyo kurwanya Ebola kirakomeje. Buri buzima bufite agaciro. Dukomeze ubumwe no kuba maso.”

AFC-M23 ivuga ko uru rugamba rushyigikiwe n’abafatanyabikorwa batandukanye bo mu rwego rw’ubuzima ku rwego rw’isi, barimo n’ishami ry’umuryango w’abibumbye ryita ku buzima ,Sans Frontières, UNICEF ndetse na International Federation of Red Cross and Red Crescent Societies.

Iyi gahunda itangijwe mu gihe icyorezo cya Ebola cyatangajwe bwa mbere muri Gicurasi 2026 mu Ntara ya Ituri Province, nyuma kigakwira no mu Ntara za North Kivu na South Kivu, aho abaturage bakora ingendo nyinshi hagati y’uturere dutandukanye.

Abayobozi bakomeje gusaba abaturage gukomeza kuba maso, gukurikiza amabwiriza y’inzego z’ubuzima no gutanga amakuru ku gihe kugira ngo iki cyorezo gihagarikwe vuba.

 

Like This Post?

• Share On:

Related Posts

---