Yanditswe na: TUYIZERE Mubaraka
10/10/2023 09:16
Ishyirahamwe ry'umupira w'amaguru muri Kenya ryatangaje ko nyuma yuko iki gihugu gihawe kwakira igikombe cya Africa cya 2027 ,cyamaze no guhabwa kwakira CHAN .
Mu itangazo ryashyizwe hanze n'ubunyamabanga bukuru mu ishyirahamwe ry'umupira w'amaguru muri Kenya, ryemeza ko iki gihugu cyamaze guhabwa kwakira igikombe cya Africa cy'abakina imbere mu bihugu byabo CHAN, giteganyijwe muri Nzeri 2024 , iri tangazo rivuga ko Kenya yahawe ubu burenganzira, nyuma yuko inahawe kwakira CAN yo muri 2027, ikaba izafatanya na Uganda ndetse na Tanzania .
Igikombe cya Africa cy'abakina imbere mu bihugu byabo CHAN, cyaherukaga kubera muri Africa y'uburasirazuba bwo hagati muri 2016 ubwo cyaberaga mu Rwanda gitwarwa na Republican iharanira demokarasi ya Congo, ibi bivuze ko kuba Kenya ariyo izakira iri rushanwa, akarere ka CECAFA kazahagararirwa n'ibihugu 3, nyuma yuko gasanzwe gahagararirwa n'ibihugu 2 .
